અમસ્તું લોહી વહે છે જવા દો વાત જવા દો

અમસ્તું લોહી વહે છે જવા દો વાત જવા દો

કોઈનો દેહ પડે છે જવા દો વાત જવા દો

મકાન ભડકે બળે છે જવા દો વાત જવા દો

૫વનનું જોર વધે છે જવા દો વાત જવા દો

નગર તો ક્યારના સૂમસામ છે અને માણસ

તો જંગલોમાં વસે છે જવા દો વાત જવા દો

ઉઘાડાં બારણાં, મધરાત, સૂના રસ્તાઓ

કોઈનું પ્રેત ફરે છે જવા દો વાત જવા દો

આ ખંડિયેરમાં ક્યારેક જો કોઈ આવે

તો એને અસ્થિ મળે છે જવા દો વાત જવા દો

શબદના દેહમાં ઊંડે સુધી કલમની અણી

હજીયે લોહી વહે છે જવા દો વાત જવા દો

Amastu Lohi Vahe Chhe Javado Vaat Java Do