રેખ્તા
હિન્દવી
સૂફીનામા
રાજસ્થાની
અફવા જે ઉડાડી હતી, સાચ્ચી જ નીકળી
afvaa je udaadii hatii, saachchii j nikalii
હિમલ પંડ્યા
હિમલ પંડ્યા
અફવા જે ઉડાડી હતી, સાચ્ચી જ નીકળી,
આ જિંદગી તૂરી અને ખાટ્ટી જ નીકળી.
ઇચ્છાનાં હરણ બેખબર થૈ દોડતાં રહ્યાં!
ને ઝાંઝવાંની દોટ તો પાક્કી જ નીકળી.
ક્યારેય સમય પર નથી એ વ્યક્ત થઈ શકી,
આ લાગણી છેવટ સુધી બાઘ્ઘી જ નીકળી.
તારાં ગયા પછીથી આ પાંખી હથેળીમાં,
પીડાની રેખાઓ બધી ઘાટ્ટી જ નીકળી.
ટુકડા કરી-કરીને દબાવી’તી દિલમહીં,
તોયે ઉદાસી આખરે આખ્ખી જ નીકળી.
સ્રોત
- પુસ્તક : ...ત્યારે જિવાય છે (પૃષ્ઠ ક્રમાંક 3)
- સર્જક : હિમલ પંડ્યા
- પ્રકાશક : કવિતાકક્ષ, ભાવનગર
- વર્ષ : 2021