એવી રીતે પ્રવાસની ક્ષણ ઓગળી જશે

એવી રીતે પ્રવાસની ક્ષણ ઓગળી જશે

પગલાં બની બનીને ચરણ ઓગળી જશે

રોકો પીગળતો આજ બરફ કોઈપણ રીતે

એમાં નહીં તો તેજ-કિરણ ઓગળી જશે

આ મારો અંધકાર લીલોછમ બની જશે

શબ્દોનું જ્યારે વાતાવરણ ઓગળી જશે

પથ્થર બનીને રહી જવાની મારી વેદના

કૈં મીણ થઈને તારાં સ્મરણ ઓગળી જશે

સૂરજ ફરીથી મ્હોરશે આ બંધ પાંપણે

મારી પીળી ઉદાસીનું રણ ઓગળી જશે

aevii rite pravaasnii kshan ogalii jashe