રેખ્તા
હિન્દવી
સૂફીનામા
રાજસ્થાની
એના ઘરનાં પગથિયાં
aena gharna pagathiya
સ્નેહી પરમાર
સ્નેહી પરમાર
એના ઘરનાં પગથિયાં,
જાણે સૂતાં પતંગિયાં!
પડખેના ગુલમહોર રસિક,
લયમાં લેતાં લથડિયાં!
ફૂલોએ તો પૂછ્યું, હેં -
તમને કોણે સરજિયાં?
છણકો કરી સામે બેઠાં,
'લ્યો તળાવના તરસિયા!'
ડાળી જાતે તૂટી ગઈ,
એ વીણે છે કરગઠિયાં!
મળ્યાં તો તાણી ગ્યાં સાથે,
ગાજ્યાં એવાં વરસિયાં!
'સ્નેહી', કેમ છો બોલ્યા ત્યાં-
ખારાં થ્યાં'તાં શરબતિયાં!
સ્રોત
- પુસ્તક : ગુજરાત : દિપોત્સવી અંક : ૨૦૨૬ (પૃષ્ઠ ક્રમાંક 397)
- સંપાદક : જયેશ દવે
- પ્રકાશક : માહિતી નિયામકશ્રીની કચેરી, ગાંધીનગર