રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કોઈ ક્યારેય પણ ઉદાસ ન થાય
koi kyarey pan udas na thay
ભાવેશ ભટ્ટ
ભાવેશ ભટ્ટ
કોઈ ક્યારેય પણ ઉદાસ ન થાય
થાય તો મારી આસપાસ ન થાય
એક દી' સૂર્ય ના ઊગ્યો તો થયું
ક્યાંક મારી ઊલટ-તપાસ ન થાય!
જો વીતે આપના વિચાર વગર
એ દિવસ મનનો ઉપવાસ ન થાય?
એ રીતે કોઈ ભીંત શણગારો
કે બીજી ભીંત નાસીપાસ ન થાય
રોજ ઈશ્વરની હું પરીક્ષા લઉં
એમ ઇચ્છું કે એ નપાસ ન થાય
વૃક્ષને પામીને ન પામ્યા, જો
ડાળીએ ડાળીએ પ્રવાસ ન થાય
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.