આપણાં ખોટા ને સાચા હોય છે

આપણાં ખોટા ને સાચા હોય છે,

રસ્તાઓ તો માત્ર રસ્તા હોય છે.

કેટલાં જોજન ઊડી પાછાં ફરે,

પંખીઓ પાસે ક્યાં નકશા હોય છે?

ત્યાં પ્રતિબિંબો જ ઝીલાતાં હે,

આંખમાં જાણે અરીસા હોય છે.

જૂઠ માટે હોય છે શ્રદ્ધા અડગ,

સત્યની સામે જ શંકા હોય છે.

એની મસ્તી હોય કાયમ આગવી,

જે સદા લખતા ને ગાતા હોય છે.

વારતા સદીઓથી એની એ જ છે,

સ્થળ, સમય ને પાત્ર ફરતાં હોય છે.

aapnaa khotaa ne sachaa hoy chhe