આંખે છવાયો કાયમી 'આવ્યા નહીં'નો થાક!

પગને સતાવે છે હવે 'ચાલ્યા નહીં'નો થાક!

બીજાની સાથે એમને હસતાં દીઠાં પછી,

ઉતરી ગયો છે એકદમ 'પામ્યા નહીં'નો થાક!

જુના ગુલાબી પત્ર મેં વાંચ્યા જરાક જ્યાં!

ડોકાયો ત્યાં તો ટેરવે 'ફાડ્યા નહીં'નો થાક!

એક જ વખત જાગી શક્યો ના હું સમય ઉપર!

આજેય કનડે સ્વપ્નને 'જાગ્યા નહીં'નો થાક!

નીકળી ગયો છું ક્યારનો હું આંબલીથી દૂર!

ખીસ્સામાં લઈને 'કાતરાં પાડ્યા નહીં'નો થાક!