રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

આઘાત દઈને તેં જ એને છીનવી હતી

હરીશ ધોબી

આઘાત દઈને તેં જ એને છીનવી હતી

હરીશ ધોબી

આઘાત દઈને તેં જ એને છીનવી હતી,

તારા વિશેની એક જ ઘટના બચી હતી.

શબ્દો તને મનાવવા નિષ્ફળ ગયા હશે,

પણ દોસ્ત! આંખના કથનમાં ક્યાં કમી હતી?

એની અલગ છે વાત એ મારી ન થઈ શકી,

મારી તરફ ક્ષણો નહીં તો કંઈ ઢળી હતી.

સર્જી દીધાં છે, મારા વિશે કૈંક કોતરો,

મારા મહીં સતત વહી તે કઈ નદી હતી?

‘હ’ – હરીશનો હજી ભટક્યા કરે સતત,

ક્યારેક લોહીમાં તું જેને ઘૂંટતી હતી.

સ્રોત

પુસ્તક : લગભગ (પૃષ્ઠ ક્રમાંક 27)
સર્જક : હરીશ ધોબી
પ્રકાશક : ગુજરાતી સાહિત્ય પરિષદ
વર્ષ : 1985