આઘાત દઈને તેં જ એને છીનવી હતી

આઘાત દઈને તેં જ એને છીનવી હતી,

તારા વિશેની એક જ ઘટના બચી હતી.

શબ્દો તને મનાવવા નિષ્ફળ ગયા હશે,

પણ દોસ્ત! આંખના કથનમાં ક્યાં કમી હતી?

એની અલગ છે વાત એ મારી ન થઈ શકી,

મારી તરફ ક્ષણો નહીં તો કંઈ ઢળી હતી.

સર્જી દીધાં છે, મારા વિશે કૈંક કોતરો,

મારા મહીં સતત વહી તે કઈ નદી હતી?

‘હ’ – હરીશનો હજી ભટક્યા કરે સતત,

ક્યારેક લોહીમાં તું જેને ઘૂંટતી હતી.

aaghaat daiine ten ja chhinavii hatii