જાગ્યા મારાં સપનાં વીણપાર

જાગ્યા મારાં સપનાં વીણપાર

સંતો રે ભાઈ જાગ્યા મારાં સપનાં વીણપાર

સપને સાંઠિકાં મેં તો ભાળિયાં હો જી

લઈ અમે ઊડિયાં અંકાશ

સંતો રે સાધો લઈ અમે ઊડિયાં અંકાશ

વિના કોઈ આધારે દળમાં વાવિયાં હો જી

વાવ્યાં એવા કોળ્યાં અપરમ્પાર

સંતો ભાઈ વાવ્યાં એવા કોળ્યાં અપરમ્પાર

નભને ખાલીપે ઝૂલ્યાં ઝાડવાં હો જી

ઝૂલે ને બોલાવે આવો આમ

સંતો ભાઈ ઝાડવાં બોલે કે આવો આમ

આવો ને લઈ જાજો મારા છાંયડા હો જી

એવા છાંયે પોઢાડી લઈ જાત

સંતો ભાઈ એવા છાંયે પોઢાડી લઈ જાત

અમે સપને ઊંઘ્યા’ને સપને જાગિયાં હો જી

jagya maran sapnan winpar