રેખ્તા
હિન્દવી
સૂફીનામા
રાજસ્થાની
ડાળખીમાં લૂંઝો પાંદ ડાળખી રે જીજીજી...
અડખે ઝૂલે પડખે ઝૂલે
ઝૂલે ચારેકોર;
હાલર હુલર ઝાડ, ઝળુંબે
છાંયડી લચકાલોળ,
તડકે ઝીણી ઝરમર ભાત્ય આળખી રે જીજીજી . . .
જળને કાંઠે પરપોટા
ને જંતર ઝબૂકે તાર;
કાચી કૂણી કેડ્ય ઉપર
સોડમનો ભીનો ભાર,
થરકે હળુંક પોપટી પવન પાલખી રે જીજીજી . . .
સ્રોત
- પુસ્તક : સાંબેલું ચંદણ સાગનું (પૃષ્ઠ ક્રમાંક 4)
- સર્જક : મનહર જાની
- પ્રકાશક : પોતે
- વર્ષ : 2001