કાચી સોપારીનો કટ્ટકો...

એક કાચી સોપારીનો કટ્ટકો રે

એક લીલું લવીંગડીનું પાન,

આવજો રે તમે લાવજો રે મારા મોંઘા મે’માન...

કાગળ ઊડીને એક ઓચિંતો આવિયો, કીધાં કંકોતરીનાં કામ,

ગોતી ગોતીને આંખ થાકી રે બ્હાવરી, લિખિતંગ કોનાં છે નામ;

એક વાંકી મોજલ્લડીનો ઝટ્ટકો રે

એક ઝાંઝરનું ઝીણું તોફાન,

ઝાલજો રે તમે ઝીલજો રે એનાં મોંઘાં ગુમાન,

એક કાચી સોપારીનો...

ઊંચી મેડી ને એના ઊંચા ઝરૂખડા, નીચી નજરુંના મળ્યા મેળ,

ઉંબરમાં સાથિયા ને ટોડલિયે મોરલા, આંગણમાં રોપાતી કેળ;

એક અલ્લડ આંખલ્લડીનો ખટ્ટકો રે

એક હૈયામાં ઊઘલતી જાન,

જાણણો રે તમે માણજો રે એની વાતું જુવાન,

એક કાચી સોપારીનો...

kachi soparino kattko