રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વીજલડી રે, વિજન પથે ઝબકાર
કરી જોજે જરી!
કંઈ ગાઢ વનો પથરાયાં છે,
ઘનઘોર અંધારાં છાયાં છે,
પથચિહ્ન બધાં અટવાયાં છે.
વીજલડી રે! —
સહુ સાથ સંગાથ તજાયા છે,
મન એકલતાથી દુભાયાં છે,
સ્મૃતિની એકજ તું માયા, હે!
વીજલડી રે!—
ઉર દરશન વિણ રઘવાયાં છે,
અંતરનાં દૃગ ખોવાયાં છે,
પેલાં સ્વપ્નોનાં ધામ લુટાયાં છે!
વીજલડી રે!—
સ્રોત
- પુસ્તક : અજંપાની માધુરી (પૃષ્ઠ ક્રમાંક 113)
- સર્જક : સ્વપ્નસ્થ
- પ્રકાશક : પોતે
- વર્ષ : 1941