રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
જગદીપ વીરાણી
ડુંગર માથે ઝળૂંબિયો પેલો મેહુલિયો વણઝારો રે
ધીરે ધીરે આવ્યો રે – આકાશે કામણગારો રે.
આવકાર મયૂરો આપે છે.
ટહુકે તાજી યાદ કરે છે.
મસ્ત ઢેલડી જોઈ રહી –
આકાશે નીરકુવારો રે
ધીરે ધીરે આવ્યો રે – આકાશે કામણગારો રે.
દિશ દિશમાં આનંદ છવાયો
માનવીએ મલ્હાર જ ગાયો
ખેતર સૂતાં તૃપ્ત બન્યા છે.
આવ્યો એ ગુણગારો રે –
ધીરે ધીરે આવ્યો રે – આકાશે કામણગારો રે.
વૃક્ષોને ઝરણાંઓ સાથે
રાહ જોતાં તેની સંગાથે
મદભર મસ્ત વાદળિયો સંગે
આવ્યો રંગ ગબારો રે –
ધીરે ધીરે આવ્યો રે – આકાશે કામણગારો રે.
ડુંગર માથે ઝળૂંબિયો રે – પેલો મેહુલિયો વણઝારો રે.
સ્રોત
- પુસ્તક : વિરાટના પગથારે (પૃષ્ઠ ક્રમાંક 93)
- સર્જક : જગદીપ વીરાણી
- સંપાદક : વિનોદ જોશી
- પ્રકાશક : ગુજરાત સાહિત્ય અકાદમી
- વર્ષ : 2018
- આવૃત્તિ : (પુનર્મુદ્રણ)