રેખ્તા
હિન્દવી
સૂફીનામા
રાજસ્થાની
વરી હું...!
vari hun...!
હરિકૃષ્ણ પાઠક
હરિકૃષ્ણ પાઠક
સતત રહીને પરી, વરી હું વિઠ્ઠલવરને વરી.
હું જાણું કે સામો ચાલી એ તો શીદને આવે,
દૂર રહીને બહુ બહુ તો એ વેણુનાદ બજાવે.
મેં તો મારી સઘળી સુરતા ચરણકમળમાં ધરી,
વરી હું વિઠ્ઠલવરને વરી.
એ પંડે ઘનશ્યામ, ગમે તો ભલે ખાબકી પડે,
હું તો ખાલી વાદલડી તે બેત્રણ છાંટા જડે,
તોય પલળતાં આવી ઊભો, શી અણધારી કરી!
વરી હું વિઠ્ઠલવરને વરી.
સ્રોત
- પુસ્તક : જળમાં લખવાં નામ
- સર્જક : હરિકૃષ્ણ પાઠ
- પ્રકાશક : ગુજરાત સાહિત્ય અકાદમી
- વર્ષ : 2010
- આવૃત્તિ : (પ્રથમ આવૃત્તિ)