રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કાગળના કોડિયાનો લીધો અવતાર
Kagalna Kodiyano Lidho Avtar
રવીન્દ્ર પારેખ
રવીન્દ્ર પારેખ
કાગળના કોડિયાનો લીધો અવતાર
પછી દાઝયાથી દૂર કેમ રહીએ
ખોળિયાએ પ્હેર્યું જ્યાં પંખેરી નામ
પછી ટહુકાથી દૂર કેમ રહીએ....
ઉકલેલા ઊન જેવું જીવતર ખૂલે
ને એનો છેડો ભીંજાય સૂકી રાખમાં
પાણી લઈ સૂરજને ધોવાનું ભોળું
વરદાન મળે બળતા વૈશાખમાં
બળવું જો કાગળની હોડી થઈ જાય
ત્યારે દરિયાથી દૂર કેમ રહીએ....
શ્વાસોની સળિયુંને ભેગી મેલીને
કોઈ બાંધે છે હૈયામાં માળો
ઝાડવાને ફૂટે જેમ લીલેરું ઘેન
એમ યાતનાને રંગ ફૂટે કાળો
ઘરને રે મોભ ચડી બોલે કાળાશ
પછી મરવાથી દૂર કેમ રહીએ....
સ્રોત
- પુસ્તક : સરળ (પૃષ્ઠ ક્રમાંક 7)
- સર્જક : રવીન્દ્ર પારેખ
- પ્રકાશક : ગુજરાતી સાહિત્ય પરિષદ
- વર્ષ : 2007