રેખ્તા
હિન્દવી
સૂફીનામા
રાજસ્થાની
તારો ઇતબાર
taro itbar
પ્રહ્લાદ પારેખ
પ્રહ્લાદ પારેખ
તારો ઇતબાર જેને, તારો ઇતબાર તેનેઃ
આ પારે શું વા સામે પાર,
જેને તારો ઇતબાર!
શાને આ ભીતર એવું, શાને એ બા'રે કે'વું?
એક તુંબીના બેઉ તાર,
જેને તારો ઇતબાર!
લઈ લેજે તારી પાસે, -માગે એવું શાની આશે?
સરખાં વૈકુંઠ ને આ સંસાર,
જેને તારો ઇતબાર!
તરશે કે ડૂબશે હોડી, દિયે એ ઉચાટ છોડી:
એવા વળી શાને ભરે ભાર,
જેને તારો ઇતબાર!
સ્રોત
- પુસ્તક : બારી બહાર (પૃષ્ઠ ક્રમાંક 143)
- સર્જક : પ્રહલાદ પારેખ
- પ્રકાશક : વોરા ઍન્ડ કંપની
- વર્ષ : 1969