રેખ્તા
હિન્દવી
સૂફીનામા
રાજસ્થાની
તરસ
taras
પ્રજારામ રાવળ
પ્રજારામ રાવળ
તરસ્યું હૈયા–હરણું!
દોડતું દશે દિશમાં વ્યાકુળ ઢૂંઢતું શીતલ ઝરણુ!
તરસ કેરા તીરથી ઘાયલ,
પલ વળે નહીં ચેન;
રાતથી લાંબો દિન થતો, ને
દિનથી લાંબી રેન!
પાગલ પાગલ ઢૂંઢતું ફરે કોઈ સોનાનું શમણું!
ધીકતી ધરા ચાર બાજુએ,
આભ ઝરે અંગારા;
શાપિત મૃગની ઘોર તૃષાના
ક્યાંય દેખાય ન આરા
રણ રેતીનું સળગે કેવળ, છાંય ધરે નહિ તરણું!
સ્રોત
- પુસ્તક : ગુજરાતી ઊર્મિકાવ્યો (પૃષ્ઠ ક્રમાંક 70)
- સંપાદક : જયન્ત પાઠક, રમણલાલ પાઠક
- પ્રકાશક : આદર્શ પ્રકાશન
- વર્ષ : 1983