
તારે રે દરબાર, મેઘારાણા!
તારે રે દરબાર,
કોણ રે છેડે (ઓલ્યા) ગેલી વીણાના તાર?
તારે રે દરબાર.
વીજ બની ગઈ સુભગ નર્તિકા રૂપરૂપ અંબાર,
વાદળીઓના રમ્ય રાસમાં ચેતનના ચમકાર!
ઝાંઝરના ઝંકાર.
તારે રે દરબાર.
સાગર-સીમાડે કો ગાતું રાગ મેઘ-મલ્હાર,
પૂછે પ્રકૃતિ કઈ ગુફામાં સંતાડ્યા શૃંગાર!
શ્રાવણના શૃંગાર!
તારે રે દરબાર!
ઊઠ, ધરિત્રી! ઊઠ ગગનથી આવ્યો છે રે અસવાર,
પાનેતર પહેરી લે કરવા પ્રણયીનો સત્કાર!
ધન્ય ધન્ય અવતાર!
તારે રે દરબાર.
tare re darbar, megharana!
tare re darbar,
kon re chheDe (olya) geli winana tar?
tare re darbar
weej bani gai subhag nartika ruprup ambar,
wadliona ramya rasman chetanna chamkar!
jhanjharna jhankar
tare re darbar
sagar simaDe ko gatun rag megh malhar,
puchhe prkriti kai guphaman santaDya shringar!
shrawanna shringar!
tare re darbar!
uth, dharitri! uth gaganthi aawyo chhe re aswar,
panetar paheri le karwa pranyino satkar!
dhanya dhanya awtar!
tare re darbar
tare re darbar, megharana!
tare re darbar,
kon re chheDe (olya) geli winana tar?
tare re darbar
weej bani gai subhag nartika ruprup ambar,
wadliona ramya rasman chetanna chamkar!
jhanjharna jhankar
tare re darbar
sagar simaDe ko gatun rag megh malhar,
puchhe prkriti kai guphaman santaDya shringar!
shrawanna shringar!
tare re darbar!
uth, dharitri! uth gaganthi aawyo chhe re aswar,
panetar paheri le karwa pranyino satkar!
dhanya dhanya awtar!
tare re darbar



સ્રોત
- પુસ્તક : તારે રે દરબાર (પૃષ્ઠ ક્રમાંક 19)
- સર્જક : ભાસ્કર વ્હોરા
- પ્રકાશક : ઇમેજ પબ્લિકેશન્સ પ્રા. લિ.
- વર્ષ : 2007