રેખ્તા
હિન્દવી
સૂફીનામા
રાજસ્થાની
સાંજ ઢળે ને
sanj Dhale ne
વિમલ અગ્રાવત
વિમલ અગ્રાવત
સાંજ ઢળે ને આવે તારા સ્મરણોનું અજવાળું.
સાજણ! કેમ કરી સંભાળું?
એક અમસ્થી અટકળ લઈને કેમ બધું સંભાળું?
ભીંત,ટોડલો,આંગણ,ઉંબર ને હોવું આ મારું,
ઉજાગરા આંખોમાં આંજી શમણાં પાછા વાળું.
સાજણ! કેમ કરી સંભાળું?
ઉભડક જીવે બારસાખ પર સૂક્કાં તોરણ ઝૂલે,
સૂરજનું છેલ્લું કિરણ લઈ ઇચ્છા અઢળક ખૂલે,
પાંગત પર બેસીને ઠાલાં પડછાયા પંપાળું.
સાજણ! કેમ કરી સંભાળું?
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.