સૂડી વચ્ચે સોપારી

સૂડી વચ્ચે સોપારી

સૂડી વચ્ચે સોપારી ને સોપારીનો ચૂરો

કણબણ માગે ગલગોટો ને

કબણી દે ધતૂરો.

સૂડી વચ્ચે સોપારી ને...

તારલિયાનો તાકો ખોલે આંખલડી અધીરી,

ચાંદાના ચંદરવામાંથી બીજલડીને ચીરી.

આઠમ દેશે અડધોપડધો પૂનમ દેશે પૂરો,

ભોળું ભોળું હાંફે એને

પાલવમાં ઢબૂરો.

સૂડી વચ્ચે સોપારી ને...

ઝાકળનાં ઝાંઝરિયાં પહેરી ઊભી રે ચમેલી,

આળસ મરડી અડખેપડખે જોતી ઘેલીઘેલી.

મીઠો લાગે માથલડે ને તળિયે લાગે તૂરો,

ચાવ્યો કાચો આંબલિયો ને

ચડ્યો રે ડચૂરો.

સૂડી વચ્ચે સોપારી ને...

suudii vachche sopaarii