રેખ્તા
હિન્દવી
સૂફીનામા
રાજસ્થાની
સત કહો કે ભ્રમણા
sat kaho ke bhramna
વિમલ અગ્રાવત
વિમલ અગ્રાવત
સત કહો કે ભ્રમણા!
આંખ મીંચું ત્યાં અજવાળાંના ફૂલ ખીલે છે નમણાં
સત કહો કે ભ્રમણા!
તિમિર ભરેલી તલાવડી ને ફરતે નહીં કોઈ પાળ ,
તળિયે તેજનાં ફણગાં ફૂટે, મૂળની મળે ન ભાળ,
રાત બની કૈ રમણા!
સત કહો કે ભ્રમણા
તેજ તિમિરની રંગછટાના દૃશ્યો કૈ ચીતરાતાં,
ખુલ્લી આંખે ખોવાયેલા પંખી ફરતા પાછાં,
ટહુકાં કરશે હમણા!
સત કહો કે ભ્રમણા
સ્રોત
- પુસ્તક : કવિ તરફથી મળેલી કૃતિ