રેખ્તા
હિન્દવી
સૂફીનામા
રાજસ્થાની
સરસ્વતી વંદના
saraswati wandna
ભાગ્યેશ જહા
ભાગ્યેશ જહા
પ્રણમું પરમ કવિતા,
નિત્ય નિરંતર નિર્મળ વહેતી,
સરસ્વતી શતરૂપા...
પૂર્વ દિશાના લયમાં ખીલ્યાં,
મંગલગાન મગનમન ઝીલ્યાં,
પવનપંક્તિ લસલસતી...
દૂરદૂર દુર્લભ નભવગડે,
ચક્ષુ ચિત્તના ચરમ સમીપે,
સરિતાસુધા સરસરતી...
ભૂતળભાષા વ્યોમવત્સલા,
મંદિર મૂળમાં અર્થશ્યામલા,
શબ્દધજા ફરફરતી...
વિશ્વશબ્દની વિદ્યુતશિખા,
પુષ્પપરાગે પુણ્યપ્રકમ્પા,
વાસંતી મન વસતી...
સ્રોત
- પુસ્તક : નવનીત સમર્પણ (પૃષ્ઠ ક્રમાંક 133)
- સંપાદક : દિપક દોશી
- પ્રકાશક : ભારતીય વિદ્યા ભવન
- વર્ષ : 2023