રેખ્તા
હિન્દવી
સૂફીનામા
રાજસ્થાની
સૈયર, હું રે ચપટીક છુટ્ટું ચૂરમું સાહ્યબો પાંચે પકવાન...
ફળીએ ફરુંકે ઝામણ ઝીંઝવો
ઝીંઝવો ઊંચો અગનાશ,
દૂધમલિયા ડાયરાઓ ડેલીએ
ઓરડામાં આછો બોલાશ,
સૈયર, હું રે દિવેટ જેવી પાતળી ને અજવાળું પોયણીને પાન...
સૈયર...
છાતીમાં ગૂંથું છેલ ચાકળો
ચોટલે ગૂંથું ચતુરાઈ,
આંગળીએ ગૂંથું કૈં ઓરતા
પીર પરકંબે મૂકું અધીરાઈ,
સૈયર, કળશી કમોદ ખાંડું ખંતથી, ખડકલો ખાંડું અરમાન...
સૈયર...
સ્રોત
- પુસ્તક : સાંબેલું ચંદન સાગનું (પૃષ્ઠ ક્રમાંક 7)
- સર્જક : મનહર જાની
- પ્રકાશક : પોતે
- વર્ષ : 2001