રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
શંકર પેઇન્ટર
તોડ ચપણિયાં ચાનાં ભઈલા
હાથ હવે ના જોડ,
માગે ભીખ ના હક્ક મળે
ઇતિહાસ હવે મરોડ,
ભઈલા ચાનાં ચપણિયાં તોડ!
બાપ બાપનો બાપ અહિયાં કરી કાકલૂદી,
ગાળમારના જુલમ સહ્યા ‘લ્યા હાલત થઇ ગઈ ભૂંડી
આજકાલ તો હવે છે તારી અંધકાર પછી પરોઢ
ભઈલા ચાનાં ચપણિયાં તોડ!
બામણવાદના ભેજામાં સદીઓથી કચરો સડતો
નૂતન યુગમાં પ્રતિકાર વિણ મેલ કશો ના પડતો.
સડીગળી સંસ્કૃતિના દંભી પડગમ ફોડ,
ભઈલા ચાનાં ચપણિયાં તોડ!
ધરમકરમ ને પુનર્જન્મની વાતો છે હેવાની,
કાયમ તુજને કચડવાની બાજી છાનીમાની.
વર્ણાશ્રમ વાડાબંધીની ઘોર જલ્દી ખોડ,
ભઈલા ચાનાં ચપણિયાં તોડ!
થુવેરિયા કે ઝાડબખોલે ફૂટી રકાબી લટકે,
ગામેગામે હાલત સરખી આગ ભીતરમાં ભડકે,
હવે નથી તું એક અટૂલો, તારા સાથી લાખ કરોડ,
ભઈલા ચાનાં ચપણિયાં તોડ!
