રેખ્તા
હિન્દવી
સૂફીનામા
રાજસ્થાની
સાધો, કાગદ કલમ સિયાહી
sadho, kagad kalam siyahi
હરીશ મીનાશ્રુ
હરીશ મીનાશ્રુ
સાધો, કાગળ કલમ સિયાહી
આ ત્રેખડમાં મુરશિદ ટપક્યા, મચ ગઈ તેજતબાહી
અમે ગ્રંથના ગ્રંથ આળખ્યા
એક્ ચોખાને દાણે
દેખ્યું તે લેખ્યું : લખલખતી
અલખની જોત લખાણે
ભાવપુરુષ ને ભાષા જો ખેલે છે ચોરસિપાહી
અમે બીજને હુકમ કર્યો તો
વૃક્ષ ખીલ્યું તત્કાળે
સ્હેજ ઈશારો કર્યો ના કર્યો
વસંત બેઠી ડાળે.
શબ્દ થકી આ વિશ્વ વિલસ્યું, દેશે સુરત ગવાહી
સ્રોત
- પુસ્તક : પદપ્રાંજલિ (પૃષ્ઠ ક્રમાંક 3)
- સર્જક : હરીશ મીનાશ્રુ
- પ્રકાશક : ઈમેજ પબ્લિકેશન્સ પ્રા. લિ.
- વર્ષ : 2004