રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
તાલીઓના તાલે
taliona tale
અવિનાશ વ્યાસ
અવિનાશ વ્યાસ
તાલીઓના તાલે
ગોરી ગરબે ઘૂમી ગાય રે,
પૂનમની રાત — ઊગી પૂનમની રાત
આસમાની ચૂંદડીનાં લ્હેરણિયાં લ્હેરાય રે;
પૂનમની રાત — ઊગી પૂનમની રાત!
ગોરો ગોરો ચાંદલિયો,
દિલ ડોલાવે નાવલિયો,
કહેતી મનની વાત રે!
પૂનમની રાત — ઊગી પૂનમની રાત!
ઓરી ઓરી આવ ગોરી, ઓરી ઓરી,
ચાંદલિયે હીંચોળી ત્હારા હૈયા કેરી દોરી,
રાતડી રળિયાત રે!
પૂનમની રાત — ઊગી પૂનમની રાત!
ગરબે ઘૂમો ગોરી, ગરબે ઘૂમો,
રૂમઝૂમો, ગોરી, રૂમઝૂમો,
રાસ રમે કેવો ચાંદલિયો, જમુનાજીને ઘાટ રે!
પૂનમની રાત — ઊગી પૂનમની રાત!
સ્રોત
- પુસ્તક : તારી બાંકી રે પાઘલડીનું ફૂમતું રે... (પૃષ્ઠ ક્રમાંક 61)
- સંપાદક : અંકિત ત્રિવેદી
- પ્રકાશક : નવભારત સાહિત્ય મંદિર
- વર્ષ : 2012