રેખ્તા
હિન્દવી
સૂફીનામા
રાજસ્થાની
મ્હેંક
mhenk
ભીખુ કપોડીયા
ભીખુ કપોડીયા
હું તો સપનાની મ્હેંક પીતી,
નીંદર નહિ, કામળી ઠેલું દૂર
તો મૂંગી રાત મને જાય જીતી... હું.
શ્વાસને તાણી રાખું
હૂંફાળ સોડમાં હું અકબંધ,
તેણમાં ભીની વાત ને
આડશ પાંપણ કેરા બંધ;
હોઠ તો બીડ્યા એમ કે છાને
અમથી નહિ કો’ક ઝરી જાય ગીતિ... હું.
રાતરાણીની ગંધ કે
બાહુબંધમાં લીધું વ્યોમ,
ઘરમાં પાડી પગલી ને
લઘુ, સૂંઘતો કશુંક, સોમ;
કેવડિયાની ટશરોમહીં સરતા
સરપ જેમ પળો જાય વીતી... હું.
સ્રોત
- પુસ્તક : – અને ભૌમિતિકા (પૃષ્ઠ ક્રમાંક 15)
- સર્જક : ભીખુ કપોડિયા
- સંપાદક : ચંદ્રમૌલિ પ્રકાશન
- વર્ષ : 1988