રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
રખોપાં
rakhopan
સુંદરજી બેટાઈ
સુંદરજી બેટાઈ
કાચી રે છાતીનું આ ધબકારવું હો જી,
આ તો સંધા ઊંધા રે ઉધમાત;
હુંને રે ચઢેલો તું તો ચાકડે હો જી!
ક્યાંથી સૂઝે તું ને સુધી વાત?
જેણે રોપ્યાં તે શું રખવાળશે હો જી?
છોને રે જગવગડે ઊઠી સામટી હો જી,
ધખભખ કરતી ઘસતી ભૂંડી લાહ્ય;
ઘેલો રે ગાજંતો છોને વાયરો હો જી
ધ્રુજાવન્તો ધરણીને તોખાર;
જેણે રે રોપ્યાં તે શું પરજાળશે હો જી?
તૂટી છો પડતા રે બારે મેહુલા હો જી,
વીજલજીભે વિશ્વ બધું ભરખાય;
પરખંદા પારખશે જીવનતાર.
જેણે રે રોપ્યાં તે તો રખવાળશે હો જી;
ભયની રે ભભૂતિ અંગે ચોળજે હો જી,
ભવવેરાને રમતો ભમતો, બાપ
જાજો રે જીવનના ખેલો ખેલતો હો જી;
સતને રે એંધાણે જોજે આપ;
હૈયે હૈયે રામરખોપાં આદુનાં હો જી.
સ્રોત
- પુસ્તક : ગુજરાતી ઊર્મિકાવ્યો (પૃષ્ઠ ક્રમાંક 58)
- સંપાદક : જયન્ત પાઠક, રમણલાલ પાઠક
- પ્રકાશક : આદર્શ પ્રકાશન
- વર્ષ : 1983