રાતદિવસની ઘટના

રાતદિવસની ઘટના

મારી રાતદિવસની દિવસરાતની રાતદિવસની ઘટના :

એક જ તારી : એક તમારી : એક સનાતન રટના. . .

મારી રાતદિવસની ઘટના!

સૂરજ ઊગે ને કિરણકિરણમાં હોય તમારું નામ;

તારાઓની રજકણ ઓથે કોણ છુપાયું આમ?

અમે તમારી માછલીઓ ને અમે તમારા તટના :

મારી રાતદિવસની ઘટના!

પળપળનો આ વહે કાફલો અહો! તમારે દેશ!

ભૂલેચૂકે પળ છૂટી પડે તો એ પળ છે પરદેશ.

અમે શ્યામને સોગંદ દીધા મીરાંના ઘૂંઘટના!

મારી રાતદિવસની ઘટના!

raatdivas ni ghatna