રેખ્તા
હિન્દવી
સૂફીનામા
રાજસ્થાની
મેળે મળ્યો કે નહિ
Mele Madyo Ke Nahi
ગભરુ ભડિયાદરા
ગભરુ ભડિયાદરા
અલી, તારો છેલ છટ્ટાક કે - મેળે મળ્યો કે નહિ?
અલી, તારો ફૂલ ફટ્ટાક કે - મેળે મળ્યો કે નહિ?
અલી, તારો સાગનો સોટો - મેળે મળ્યો કે નહિ?
અલી, તારો જીવનો જોટો - મેળે મળ્યો કે નહિ?
અલી, તારો રૂપનો રેલો - મેળે મળ્યો કે નહિ?
અલી, તારો હયાનો હેલો - મેળે મળ્યો કે નહિ?
અલી, તારો ફાગણિયો ફાલ - મેળે મળ્યો કે નહિ?
અલી, તારો વેગીલો વા'લ - મેળે મળ્યો કે નહિ?
સ્રોત
- પુસ્તક : કવિતા - ઑક્ટોમ્બર, 1979 (પૃષ્ઠ ક્રમાંક 109)
- સંપાદક : સુરેશ દલાલ
- પ્રકાશક : જન્મભૂમિ પ્રકાશન, મુંબઈ