રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
જ્યોતિ આભની
jyoti abhni
પ્રજારામ રાવળ
પ્રજારામ રાવળ
આવો રે આવો જ્યોતિ આભની!
આ રે કાયા કેરી દીવીમાં
મારા પ્રાણની દિવેટ;
સીધી ઊભી ઊંચા મસ્તકે
સીંચી હૈયાને હેત! આવો રેo
આવો અજવાળાં ઊંચાં ગેબનાં,
મારો પોકારે અંધાર!
મીઠું રે મલકતી, તેજલ ઝાળથી,
શિરને સ્પરશો પલવાર! આવો રેo
અંધને આધાર ન્હોયે અંધનો;
આવો અંધના આધાર,
ભાંગો ભીડેલી વજ્જર ભોગળો,
અંજવાળાં કરો કે ઝોકાર! આવો રેo
સ્રોત
- પુસ્તક : વીસમી સદીની ગુજરાતી કાવ્યમુદ્રા (પૃષ્ઠ ક્રમાંક 334)
- સંપાદક : ચન્દ્રકાન્ત શેઠ, યોગેશ જોષી, હર્ષ બ્રહ્મભટ્ટ, ઊર્મિલા ઠાકર
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2007