રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ચાંદલિયો
chandaliyo
દીપકબા દેસાઈ
દીપકબા દેસાઈ
રાગ-સારંગ, તાલ-હીંચ,
(ઢાળ: 'વા વાયા ને વાદળ ઉમટ્યાં' )
ઝગઝગતો આભલિયે ભાળ્યો,
રઢ લાગી ત્હેની માત!
રમવા આપોને મા! મ્હને ચાંદલિયો!
હઠ ત્યાગો ને મ્હારા લાડકડા!
નભમંડલ કેમ પ્હોંચાય?
રમવા આપોને મા! મ્હને ચાંદલિયો!
બહુ કહાનકુવર કલ્પાંત કરે!
આંસુડાં વહે ચૉધાર,
રમવા આપોને મા! મ્હને ચાંદલિયો!
જે અવની ભાર ઊતારન્તા,
તે ભૂમિ પર લોટાય;
રમવા આપોને મા! મ્હને ચાંદલિયો!
આક્રંદ સુણી મા વિવશ બન્યાં,
જળ ભરીને મૂકયુ પાત્ર;
રમવા આપોને મા! મ્હને ચાંદલિયો!
પ્રતિબિંબ નિહાળી સુધાકરનું,
મન રીઝ્યા નંદકુમાર;
રમવા આપોને મા! મ્હને ચાંદલિયો!
યદુકુલદીપકની બાળલીલા
વર્ણવતાં ના’વે પાર;
રમવા આપોને મા! મ્હને ચાંદલિયો!
સ્રોત
- પુસ્તક : રાગબત્રીશી (પૃષ્ઠ ક્રમાંક 20)
- સર્જક : દીપકબા દેસાઈ
- પ્રકાશક : ધી ઍલાઈઝ સ્ટોર્સ
- વર્ષ : 1931