રેખ્તા
હિન્દવી
સૂફીનામા
રાજસ્થાની
પ્રભુની પરમ ક્ષણોમાં
prabhunii param kshanomaan
હરીન્દ્ર દવે
હરીન્દ્ર દવે
મને તમારી સંગ પ્રભુની પરમ ક્ષણોમાં
અમલપિયાલી મળી.
જરા જરા પથ ઢળી અને મારગનો કેવો તોર,
સ્હેજ ગઈ છંટાઈ અને તરુવર પર કોળ્યા મ્હોર,
ગગન મહીં મીંચકારે નયણાં તારક,
તેમાં છાલક એની ઢળી.
બુંદ બે’ક નયણે ઊગ્યાં, શો ચખનો જુદો દમામ,
હૃદય મહીં એક બુંદ, કશો મતવાલો આતમરામ,
લાગણીઓ મુજ અંતરની લ્યો, સાવ અચાનક
ક્યાં ક્યાં જઈને હળી!
સ્રોત
- પુસ્તક : હયાતી (પૃષ્ઠ ક્રમાંક 111)
- સંપાદક : સુરેશ દલાલ
- પ્રકાશક : ચીમનલાલ લિટરરી ટ્રસ્ટ
- વર્ષ : 1984
- આવૃત્તિ : બીજી આવૃત્તિ