પ્રભુ, રૂનાં પૂમડાનું દીધું આયખું

પ્રભુ, રૂનાં પૂમડાનું દીધું આયખું

હવે પાણી થઈને કે તણખો થઈને કે અત્તર થઈને

તને આવવું હોય એમ આવ તું

મારે તાંતણે તાંતણે તેં સીંચી તરસ

હવે ચૈતરનો તડકો થઈને ના વરસ

સદીઓથી મૌન મારી ઝંખનામાં ભળ, મને ભેટ,

આમ આઘેઆઘેથી ન બોલાવ તું

મને પીંજ, મને કાંત, મને તારતાર કર

મારાં જીંડવાપણાનો સ્વામી સ્વીકાર કર

પંખીની જેમ મને ચાંચમાં તું લે, તારા માળામાં ગોઠવ,

ન વાયરાની સંગે વહાવ તું

prabhu, ruunun puumdaanun diidhun aaykhun