રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હવે ઘડીબઘડીમાં રાત્ય પડશે રે
બાઈજી ફાનસ પેટાવો મારે ઓરડે...
ઝાંઝરીની જેમ મેં તો કાગાનીંદરમાં
કેતકીની વાડ્ય પગે બાંધી;
અધરાતે સાંધવા બેઠી'તી કમખો ને
ચોમાસું સાવ લીધું સાંધી.
મારી પિંડીએથી પોઠ્યું ઊતરશે રે
બાઈજી ફાનસ પેટાવો મારે ઓરડે...
આગળના ટોડલાની ઊભી કનેરીએ
આવે ને જાય છે કાળોતરો;
અમથું જરીક ક્યાંક ખખડે કમાડ અને
ભણકારો પડે જીવ સોંસરો.
મારી આંખે અંધારાં આભડશે રે
બાઈજી ફાનસ પેટાવો મારે ઓરડે...
સ્રોત
- પુસ્તક : સાંબેલું ચંદણ સાગનું (પૃષ્ઠ ક્રમાંક 18)
- સર્જક : મનહર જાની
- પ્રકાશક : પોતે
- વર્ષ : 2001