રેખ્તા
હિન્દવી
સૂફીનામા
રાજસ્થાની
પિયુ મારો
piyu maro
ભાસ્કર વોરા
ભાસ્કર વોરા
પિયુ મારો લીલો લજામણીનો છોડ
અડકું અડકું ત્યાં તો અણિયાળી આંખ્યુંમાં
શરમુંનાં ફૂટે પરોઢ
વ્હાલપનાં વેણ બે'ક બોલું બોલું ત્યાં તો
અવળું રે મુખ કરી લેતો,
ઘેનના રે ઘુમ્મટમાં ઘેરી વળું ત્યાં તો
નહીં રે કહેવાનું કહી દેતો,
એને રે જોઈ જોઈ કૂણા કાળજડામાં
જાગે કેસરિયા કોડ
લીલીછમ લાગણીની વેલ જરા ધીરેથી
ઊંચી કરીને એને વીંટું
સાગ તણા સોટા પર ઉઘડતું ફૂલ એવું
ફૂલ હજી ક્યાંય નથી દીઠું
એને રે જોઈ જોઈ બાંધ્યો મેં માહ્યરામાં
મનના મિલનનો મોડ
સ્રોત
- પુસ્તક : ઉત્તરાયણ (પૃષ્ઠ ક્રમાંક 15)
- સંપાદક : દીપક મહેતા
- પ્રકાશક : નેશનલ બુક ટ્રસ્ટ, ઇન્ડિયા
- વર્ષ : 2008