રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

કોઈ બપોરે ભરવા બેઠી

મનોજ ખંડેરિયા

કોઈ બપોરે ભરવા બેઠી

મનોજ ખંડેરિયા

Roman

કોઈ બપોરે ભરવા બેઠી

રેશમ-દોરે ભરવા બેઠી

મોર લીલો રે ભરવા બેઠી

ઘરથી નવરી થઈ

પીછું ભરતાં પાંખ થરકતી

કંઠ ભર્યો ત્યાં ગ્હેક છટકતી

જોતી રહી ને આંખ ફરકતી

ઊંડી ઊતરી ગઈ

ઊંડા કૈં ઘારણમાં ઊંડે

વીતી નમણી ક્ષણમાં ઊંડે

જીવતરના દર્પણમાં ઊંડે

નિજને નીરખી રહી

સ્રોત

પુસ્તક : વરસોનાં વરસ લાગે (પૃષ્ઠ ક્રમાંક 182)
સર્જક : મનોજ ખંડેરિયા
પ્રકાશક : નવભારત સાહિત્ય મંદિર
વર્ષ : 2011
આવૃત્તિ : પુનર્મુદ્રણ