રેખ્તા
હિન્દવી
સૂફીનામા
રાજસ્થાની
ફાગણનું ફૂલ
phagannun phuul
રાજેન્દ્ર શાહ
રાજેન્દ્ર શાહ
પેલા ફાગણના ફૂલનો ભરોસો ન કીજિયે,
એનું ભૂલમાંય નામ નહીં લીજિયે!
આડું જુએ, ને તોય તારા કપોલનો
ઊડે ત્યાં લાલ લાલ રંગ,
હોઠ તું બીડે, ને પેલી ખીલી તે પાંદડીની
છુટ્ટે તે બોલ વહે ગંધ;
ઘેલી એવા આભૂષણે ન રીઝિયે!
ઢાંકવા જે ચ્હાય તારા મનથી મથી મથી,
એની તે વાત એણે આમતેમ જો કથી;
મારી સીધી તે વાતથી ન ખીજિયે!
સ્રોત
- પુસ્તક : કવિતા : ફેબ્રુઆરી - માર્ચ ૨૦૧૦ (પૃષ્ઠ ક્રમાંક 32)
- સંપાદક : સુરેશ દલાલ
- પ્રકાશક : જન્મભૂમિ પ્રકાશન, મુંબઈ