પાંપણ પર ઝૂલતાતાં શમણાં એ શમણાંનો

પાંપણ પર ઝૂલતાતાં શમણાં એ શમણાંનો

હું પણ એક ભાગ હતો યાદ છે?

પાંપણ પર...

યાદ છે એ સાંજ? તું બોલ્યા વિના જ મને

તગમગતી આંખથી વઢેલી!

એ ઘટના તો ત્યાં જ હજી બર્ફ જેમ થીજીને

ઊભી છે સાંજ ને અઢેલી

આથમતા સૂરજના કેસરી એ રંગોમાં

ઓગળતાં આપણે એ યાદ છે?

પાંપણ પર ઝૂલતાતાં શમણાં એ શમણાંનો

હું પણ એક ભાગ હતો યાદ છે?

વરસોની ભીડ કોઈ ચોર જેમ આપણા એ

દિવસોને ચોરી ફરાર થઈ

એમ ઊભાતાં રસ્તાની સામસામે આપણે

ને વચ્ચેથી જિંદગી પસાર થઈ

દિવસ ઓઢ્યા ને પછી તડકામાં દોડ્યાં ને

છાંયડાઓ શોધ્યાતાં યાદ છે?

પાંપણ પર ઝૂલતાતાં શમણાં એ શમણાંનો

હું પણ એક ભાગ હતો યાદ છે?

Panpan Par Jhulatata Shamana Ae Shamana no