પંખીડાને આ પીંજરું જૂનું જૂનું લાગે

પંખીડાને આ પીંજરું જૂનું જૂનું લાગે,

બહુએ સમજાવ્યું તોયે પંખી નવું પીંજરું માંગે.

ઊમટ્યો અજંપો એને પંડના રે પ્રાણનો,

અણધાર્યો કર્યો મનોરથ દૂરના પ્રયાણનો;

અણદીઠે દેશ જાવા લગન એને લાગે,

બહુએ સમજાવ્યું તોયે પંખી નવું પીંજરું માંગે. પંખીડાને.

સોને મઢેલ બાજઠિયો ને સોને મઢેલ ઝૂલો,

હીરે જડેલ વીંજણો મોતીનો મોંઘા અણમૂલો;

પાગલ ના બનીએ ભેરુ કોઈના રંગ લાગે,

બહુએ સમજાવ્યું તોયે પંખી નવું પીંજરું માંગે. પંખીડાને.

pankhiDane aa pinjarun junun junun lage