ખૂલ્યાં અજાયબ તાળાં

ખૂલ્યાં અજાયબ તાળાં

અવકાશ બીતરનો અને અવકાશ ચોગરદમ રમે,

અવકાશની અંદર ખૂલે તાળાં અજાયબ આ સમે.

અણખૂટ ધારા રેશમી પીડા તણી ઝીલી રહું,

નિમીલિત નેણાં નીરખતાં કીડી બિચારી ક્યાં ભમે.

હો મીન મારગ કે થયો પંખી તણો પંથી સખા!

તન તુમ્બડામાં રસ અહોનિશ ઝરમરે ને ઝમઝમે.

અવકાશ ભીતરનો અને અવકાશ ચોગરદમ રમે,

અવકાશની અંદર ખૂલે તાળાં અજાયબ આ સમે.

એ ફૂંક કોની, કોણ વાગે, કોમ સુનતા, કોણ બકતા

કોણ કોને કરગરે? અવકાશ આખો ધમધમે.

ભીતરી ભંડાર ભાળી, ચકિત ને ચકચૂર થ્યો,

શું ભાસ છે આભાસ છે? આ ઢોલ અનહદ ઢમઢમે.

khulyan ajayab talan