રેખ્તા
હિન્દવી
સૂફીનામા
રાજસ્થાની
પલાશફૂલ
palashful
સુરેશ દલાલ
સુરેશ દલાલ
પલનું પલાશફૂલ
એના રૂડા રંગને કેસર મંન મારું મશગૂલ!
ભાવિની નહીં ભાળ કે નહીં
અતીતની કોઈ છાંય;
કાળનો કાળો ભમરો ભમી
આજનાં ગીતો ગાય.
અહીંની ભૂમિ મન મારાને લાગતી રે ગોકુળ!
તરસ નહીં : પ્રાણ આ માણે
તૃપ્તિ કેરો ઘૂંટ;
મોકળા મને મ્હાલતાં મળે
એ જ મારે લખલૂટ.
સઘળાનું છે મૂલ મારે મન : હેમ હોયે કે ધૂળ!
સ્રોત
- પુસ્તક : કાવ્ય-કોડિયાં : સુરેશ દલાલ (પૃષ્ઠ ક્રમાંક 32)
- સંપાદક : નિરંજન ભગત
- પ્રકાશક : લોકમિલાપ ટ્રસ્ટ, ભાવનગર
- વર્ષ : 1980