રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
લખવા છે પડછાયા રે
lakhwa chhe paDchhaya re
પ્રફુલ્લ પંડ્યા
પ્રફુલ્લ પંડ્યા
લખી શકાતા હોય તો મારે લખવા છે પડછાયા રે
મને મૂંઝવે દિવસરાત ને સમય સમયની માયા રે!
હું લખવા બેસું છું ત્યારે શબ્દો થૈ જાય સાધુ રે
ભાષા ભગવી લખતા રહેવું એમ વચન હું બાંધું રે
ચાખડી પહેરી ફરતા અર્થો બળતી મારી કાયા રે!
ભસ્મની માફક ઊડતા રહેવું નગર નગરના દરવાજે
આવકાર કોઈ આપી દે તો વાત વરત થૈ વરતાજે
વરત વરતની વાયકાઓની તૂટી પડ્યા સૌ પાયા રે!
સ્રોત
- પુસ્તક : જીભ ઉપરનો ધ્વજ (પૃષ્ઠ ક્રમાંક 18)
- સર્જક : પ્રફુલ્લ પંડ્યા
- પ્રકાશક : કવિલોક પ્રકાશન
- વર્ષ : 1986