રેખ્તા
હિન્દવી
સૂફીનામા
રાજસ્થાની
– ની ઉક્તિ
– nii ukti
જગદીશ જોશી
જગદીશ જોશી
અણગમતું આયખું લઈ લ્યોને, નાથ!
મને મનગમતી સાંજ એક આપો :
કે ક્યારનો મૃગજળમાં ઝૂરતો તરાપો…
ખરી પડ્યાં પાંદડાંને હાથમાં લઈને
મેં આંખોમાં રોપ્યું એક ઝાડ :
પંખીનાં લાડ કદી નીરખ્યાં નથી
કે નથી સાંભળ્યો મેં નભમાં ઉઘાડ.
થીજેલાં જળમાં આ સૂતેલી માછલીને
અર્જુનનો મત્સયવેધ આપો.
મને આપો એક સાંજ, મને આપો એક રાત
મને આપો એક એવો આશ્લેષ —
ફરફરવા લાગે આ સાત સાત જન્મોના
તાણીને બાંધેલા કેશ!
મારાથી સાવ મને અળગી કરીને નાથ,
કાયમની કેદ મને આપો!
સ્રોત
- પુસ્તક : ધારો કે એક સાંજ આપણે મળ્યા... (પૃષ્ઠ ક્રમાંક 213)
- સર્જક : જગદીશ જોષી
- પ્રકાશક : ઇમેજ પબ્લિકેશન્સ
- વર્ષ : 1998