રેખ્તા
હિન્દવી
સૂફીનામા
રાજસ્થાની
વિરહિણી
wirahini
અરદેશર ખબરદાર
અરદેશર ખબરદાર
(રાગ ગારો)
નમેરીઆ! આવો રે, મોરે નયણાં પલક ના સૂકાય.
નયણાં પલક ના સૂકાય,
હો, લયમાં ખલક ડૂબી જાય,
આવો રે, મોરે નયણાં પલક ના સૂકાય.
ભરતી ભરાય આ,
હૈયું તણાય આ,
દિલનો દિલાવર ન પાયઃ
આવો રે, મોરે નયણાં પલક ના સૂકાય.
માયા તે નાથની,
છાયા તે હાથની;
વેલી અકેલી કરમાયઃ
આવો રે, મોરે નયણાં પલક ના સૂકાય.
નમેરીઆ! આવો રે, મોરે નયણાં પલક ના સૂકાય.
સ્રોત
- પુસ્તક : સંદેશિકા (પૃષ્ઠ ક્રમાંક 34)
- સર્જક : અરદેશર ખબરદાર
- પ્રકાશક : ગુજરાતી સા. પ. ભંડોળ કમિટિ
- વર્ષ : 1925