રેખ્તા
હિન્દવી
સૂફીનામા
રાજસ્થાની
ફૂલ
phool
પ્રિયકાન્ત મણિયાર
પ્રિયકાન્ત મણિયાર
ફૂલનો પવન લોચન મારે વાયો,
આકાશ ભરાય એટલી સુગંધ લાવ્યેા.
કોઈ તરુ ના, કોઈ ના ડાળી કોઈ ના ડાળખી, પાન;
ફૂલનો ફૂવાર એકલો ફૂટે જેમ કવિનાં ગાન:
ફૂલનો સૂરજ હૃદયે વાવ્યો, ફૂલનો વળી છાંયડો છાંયો.
ફૂલની નદી, ફૂલનું તળાવ, ફૂલનું નાનું ગામ,
ફૂલના દીવો, ફૂલહિંડોળો ફૂલમાં ફોર્યા રામ;
કાળને સાગર જાત ડૂબી ત્યાં તરતાં ફૂલથી ફાવ્યો,
ફૂલનો પવન લોચન મારે વાયો.
સ્રોત
- પુસ્તક : સ્પર્શ (પૃષ્ઠ ક્રમાંક 34)
- સર્જક : પ્રિયકાન્ત મણિયાર
- પ્રકાશક : સ્વાતિ પ્રકાશન
- વર્ષ : 1966