નવી તે વહુના હાથમાં રૂમાલ

મ્હાલા રે મ્હાલ, લ્હેરણિયું લાલ!

ઘમ્મર ઘમ્મર ચાલે રે ચાલ!

નવી તે વહુના હાથમાં રૂમાલ!

લપટી રે ચપટી દેતી રે તાલ,

શરમને શેરડે શોભતા રે ગાલ,

કાવડિયા ચાંલ્લો ચોઢ્યો રે ભાલ. નવી તે.

રાખે રાખે ને ઊડી જાય રે ઘૂમટો,

પરખાઈ જાય એનો ફૂલ ગૂંથ્યો ફૂમટો,

કંઠે તે મ્હેંકતી મોગરાની માળ.

આંખ્ય આડે આવતા વિખરાયા વાળ,

નેણલેથી નીતરે વ્હાલમનું વ્હાલ. નવી તે.

એની પાંપણના પલકારા વીજલડીના ચમકારા,

એના રુદિયામાં રોજરોજ વાગે વ્હાલમના એકતારા.

હિલ્લોળે હાથ જાણે ડોલરની ડાળ,

બોલ બોલ તોલતી વાણી વાચાળ;

જલતી જોબનિયાની અંગે મશાલ! નવી તે.

nawi te wahuna hathman rumal