રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નવી તે વહુના હાથમાં રૂમાલ
nawi te wahuna hathman rumal
અવિનાશ વ્યાસ
અવિનાશ વ્યાસ
મ્હાલા રે મ્હાલ, લ્હેરણિયું લાલ!
ઘમ્મર ઘમ્મર ચાલે રે ચાલ!
નવી તે વહુના હાથમાં રૂમાલ!
લપટી રે ચપટી દેતી રે તાલ,
શરમને શેરડે શોભતા રે ગાલ,
કાવડિયા ચાંલ્લો ચોઢ્યો રે ભાલ. નવી તે.
રાખે રાખે ને ઊડી જાય રે ઘૂમટો,
પરખાઈ જાય એનો ફૂલ ગૂંથ્યો ફૂમટો,
કંઠે તે મ્હેંકતી મોગરાની માળ.
આંખ્ય આડે આવતા વિખરાયા વાળ,
નેણલેથી નીતરે વ્હાલમનું વ્હાલ. નવી તે.
એની પાંપણના પલકારા વીજલડીના ચમકારા,
એના રુદિયામાં રોજરોજ વાગે વ્હાલમના એકતારા.
હિલ્લોળે હાથ જાણે ડોલરની ડાળ,
બોલ બોલ તોલતી વાણી વાચાળ;
જલતી જોબનિયાની અંગે મશાલ! નવી તે.
સ્રોત
- પુસ્તક : કંકુ ખર્યું ને સૂરજ ઊગ્યો (પૃષ્ઠ ક્રમાંક 175)
- સર્જક : અવિનાશ વ્યાસ
- સંપાદક : અંકિત ત્રિવેદી
- પ્રકાશક : નવભારત સાહિત્ય મંદિર
- વર્ષ : 2006