રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નવ કરશો કોઈ શોક-રસિકડાં, નવ કરશો કોઈ શોક. ટેક.
યથાશક્તિ રસપાન કરાવ્યું, સેવા કીધી બનતી. રસિકડાં૦ ૧
પ્રેમિ અંશને રુદન આવશે, શઠ હરખાશે મનથી. રસિ૦ ર
મર્મ ન સમજે બકે શંખ શઠ, વાંકું ભણે બહુ પણથી. રસિ૦ ૩
એક પીડમાં બીજી ચ્હીડથી, જળશે જીવ અગનથી. રસિ૦ ૪
હતો દૂખિયો થયો સૂખિયો, સમજો છૂટયો રણથી. રસિ૦ પ
મુંઓ હૂં તમે પણ વળિ મરશો, મુક્ત થશો જગતમથી. રસિ૦ ૬
હરિકૃપાથિ મમ લેખચિત્રથી, જીવતો છઊં હું દમથી. રસિ૦ ૭
વીર સત્ય ને રસિક ટેકિપણું, અરિપણ ગાશે દિલથી. રસિ૦ ૮
જુદાઇ દુઃખ તે નિથ જ જવાનું, જાયે માત્ર મરણથી. રસિ૦ ૯
મરણ પ્રેમિને ખચિત મોડું છે, દુ:ખ વધે જ રૂદનથી. રસિ૦ ૧૦
જગતનીમ છે જનન મરણનો, દૃઢ રહેજો હીંમતથી. રસિ ૧૧
મને વિસારી રામ સમરજો, સુખિ થાશો તે લતથી. રસિ૦ ૧ર
સ્રોત
- પુસ્તક : નર્મદની કવિતા (પૃષ્ઠ ક્રમાંક 190)
- સંપાદક : રમેશ મ. શુક્લ
- પ્રકાશક : પાર્શ્વ પબ્લિકેશન
- વર્ષ : 2004