રેખ્તા
હિન્દવી
સૂફીનામા
રાજસ્થાની
નમીએ અગનફૂલ
namiiye aganfuul
રાજેન્દ્ર શાહ
રાજેન્દ્ર શાહ
નમીએ અગનફૂલને
હો નમીએ અગનફૂલ,
ઓથમાં જેની ઊછરે આપણ વનવાસીનું કુલ.
સાંજ સવાર તે ઘરમાં ખીલે પકવે સકલ અંન;
આંગણાના રખવાળની રાતમાં આણ રમે જોજંન;
રાનપશુનાં નેણમાં એનાં તેજની વાગે શૂલ.
ઝાડવે છાનો વાસ, રે એની હૂંફ મળે ચોમેર,
કાળના પ્હોળા મુખમાં, અભય ફરીએ રે ઠેર ઠેર;
અરણીમાંથી એમ ઝરે, જેમ ગીત ઝરે ચંડૂલ.
સ્રોત
- પુસ્તક : કાવ્ય-કોડિયાં – રાજેન્દ્ર શાહનાં કાવ્યો (પૃષ્ઠ ક્રમાંક 43)
- પ્રકાશક : લોકમિલાપ ટ્રસ્ટ