રેખ્તા
હિન્દવી
સૂફીનામા
રાજસ્થાની
સાવ ઉછીના પાણી
દરિયા તારી પાસે નહીંતર હતી પાઈ ક્યાં કાણી?
સાવ ઉછીના પાણી
ફીણ અને મોજાથી નહીંતર હાલે કારોબાર?
સારું છે કે હજી'ય નદીયું ચૂકવે કંઈક ઉધાર
કોણ સાંભળે નહીંતર તારી ઘૂઘવતી આ વાણી?
સાવ ઉછીના પાણી
પોણે ભાગે દબાણ તારું કોઈ કદી ના સાંખે
એ તો ધરતી માતા છે કે માન નદીનું રાખે
આખો'દી માથા ફોડે ને કોડીની જ કમાણી?
સાવ ઉછીના પાણી
કાંઠે આવેલા તરસ્યા ની ક'દી બુઝાણી પ્યાસ?
મીઠી નદીઓ પી પી ને પણ દિમાગમાં ખારાશ?
કહે કદી તારામાં ફૂટી મધમીઠ્ઠી સરવાણી?
સાવ ઉછીના પાણી
સ્રોત
- પુસ્તક : કવિ પાસેથી મળેલી રચના